JAKU PENETAP KUCHING
SEBEDAU KAMI NYAU ENDA INGAT AGI, LALU SEBEDAU BALA ORANG DI MENUA MALAYSIA TU ENDA INGAT AGI, KAMI, TI NGELABUHKA SAINJARI DITU, SEKALI AGI BESEMAYA BA MUA MENUA MALAYSIA TU JADIKA SAKSI KAMI, KENA SEHARI TU 16HB SEMBILAN, 2012, DI NENGERI KUCHING, LALU MEGA NGARIKA SEMUA PARTI POLITIK ENGGAU PAKATAN RAKYAT, IYA NYA, LEBUH KAMI NUMBUHKA PERINTAH BARU DI MENUA MALAYSIA, PAKATAN RAKYAT DEKA BEBASA SERETA NGAMATKA SEMUA DANJI ENGGAU SEMAYA IYA NGAGAI PERANAK MENUA MALAYSIA.
KAMI DEKA ENGGAU BASA TI TINGGI BEJALAIKA SEMUA POLISI TI UDAH DITETAPKA KAMI DALAM BUP JINGGA NGAMBIKA MENUA MALAYSIA ULIH NYADI SEBENGKAH MENUA TI TAMPAK, BALA PERANAK MENUA IYA TAU BETAMBAH KAYA, DUDI HARI IYA TAU LIKUN SERETA SELAMAT, LALU NAMA IYA DEKA DIKEMESAIKA SERETA DIPELANDIKKA MENUA BUKAI DI DUNYA TU.
KAMI DEKA BEBASAKA SEMENGAT DALAM SEMPEKAT MALAYSIA TAUN 1963 TI DITANGGAM BALA TUAI-TUAI MENUA KAMI, TI LALU JADIKA KELAI PENALUK KAMI KE ORANG SARAWAK ENGGAU SABAH, ENDA BEGILIK PENEMU DALAM ATUR DEMOKRASI LALU ENDA BEBELAH BAGI BA SEMUA PERANAK MALAYSIA, KELEBIH AGI:
PEKARA KESATU: SEKUNSI
Kami deka mulaika semengat dalam sempekat Malaysia lalu berakupka penuduk Sarawak enggau Sabah dalam Serakup Malaysia enggau chara meri pulai kuasa merintah diri (autonomi) ke Sarawak enggau Sabah belalauka Tampuk Adat Perintah Besai.
PEKARA KEDUA: BEPENGARI SAMA RATA
Kami deka ngemanahka agi kaul entara Sarawak, Sabah enggau Semenanjung Malaysia nengah atur bekunsi kuasa ti nyeridi semengat Sempekat Malaysia.
PEKARA KETIGA: PERANAK MENUA
Kami deka numbuhka Komisyen Di-Raja dikena mutarka penanggul peranak menua luar ke enda sah nyadi peranak menua Malaysia, pia mega penanggul tu ke udah nuntung Sarawak enggau Sabah.
PEKARA KEEMPAT: MERI PULAI TANAH BANSA ASAL (NCR)
Kami deka ngamatka sereta ngemendarka kuasa ti udah ditetapka dalam Adat Menua Sarawak enggau Sabah dikena numbuhka Komisyen Tanah dikena mansik, mutarka penyarut, nyikapka atur nyukat lalu meri pulai hak Tanah Bansa Asal ba Tanah Bansa Asal.
PEKARA KELIMA: PENGELANDIK GAWA PERANAK MENUA SARAWAK ENGGAU SABAH
Kami deka ngamat sereta ngemendarka padu mangku pengawa ke semua peranak menua Sarawak enggau Sabah nyadi kepala dalam Opis-Opis Perintah di menua sida empu lalu ngena kuasa-kuasa Sekretari-Sekretari Menua ke dua buah menua nya lalu pia mega ngenuluka padu mangku pengawa ke peranak menua Sarawak enggau Sabah ba ikas Perintah Besai ti bekereja di menua Sarawak enggau Sabah.
PEKARA KEENAM: ASIL MINYAK TI PATUT
Kami deka nikika bayar minyak petroleum enggau asil hidrokarbon ke menua Sarawak enggau Sabah ngagai ikas 20% ari penyampau 5% ke ngelama tu.
PEKARA KETUJUH: PEMANSANG SAMA RATA
Kami deka nikika ikas pemansang infrastrukta di menua Sarawak enggau Sabah sama bela sebaka enggau ikas di Semenanjung Malaysia.
KAMI, JADIKA TI NGENGKAHKA SAINJARI, NGAGA PENETAP TI JADIKA SEMAYA ENTARA PAKATAN RAKYAT ENGGAU SEMUA PERANAK MALAYSIA, KENA SEHARITU 16HB SEPTEMBER 2012, BESERIMBAI ENGGAU HARI MALAYSIA, NGAMBIKA AUH IYA DIDINGA ARI TUCHUNG MUNGGU LALU NELUSUR NGILI BATANG SUNGAI NYENTUK KE TASIK BESAI; AWAKKA KITAI DILEPASKA; LALU PERANAK RABAN BANSA KITAI ULIH IDUP DALAM PENYERAKUP!
Disaksika ngelabuhka sainjari, ti diberi kuasa, lalu semua peranak Malaysia jadika saksi ditu.
Disain di nengeri Kuching, kena seharitu 16hb Sembilan, 2012, dalam enam salin ti endur genap salin deka disimpan genap iku orang ti ngelabuhka sainjari.
Ngarika Parti Keadilan Rakyat (KEADILAN)
Y.B. DATO’ SERI ANWAR IBRAHIM, Ketuai Bala
Ngarika Democratic Action Party (DAP)
Y.B. LIM KIT SIANG, Ketuai Parlimen
Ngarika Pan-Malaysian Islamic Party (PAS)
Y.B. DATO’ SERI HAJI ABDUL HADI AWANG, Presiden
Ngarika Parti Keadilan Rakyat (KEADILAN)
Y.B. BARU BIAN, Chairman, PKR Sarawak
Ngarika Democratic Action Party (DAP)
Y.B. WONG HO LENG, Chaurman, DAP Sarawak
Ngarika Pan-Malaysia Islamic Party (PAS)
TUAN HAJI ADAM BIN AHID, Tuai Komisyen Menoa, PAS Sarawak
